Árið 2005 var viðburðaríkt og gæfuríkt á keppnisbrautinni fyrir þau hjón Huldu og Hinna.   Bæði Reykjavíkurmeistarar, í tvennum úrslitum hvort í meistaraflokki á Íslandsmóti, Hinni með sæti í Landsliði Íslands 2005 í Svíþjóð og svo Suðurlandsmeistarar í nokkrum greinum.

Að launum fékk Hulda eina tilnefningu og tvær útnefningar.  Hún var tilnefnd sem íþróttaknapi LH á uppskeruhátíð LH á Hótel Íslandi í nóvember.  Svo var hún útnefnd Íþróttaknapi Fáks 2005 á uppskeruhátíð Fáks 2005 og til að kóróna þetta var hún svo útnefnd Hestaíþróttakona LH 2005 og fékk af því tilefni glæsilegan bikar sem var afhentur í hófi sem fer fram um leið og íþróttamaður ársins var útnefndur þann 3. janúar síðastliðinn. 

Hulda þakkar hamingjuóskir og mikla lukku á árinu sem var að líða.  Megi það næsta verða okkur hjónum gott og gæfuríkt á öllum vígstöðvum.

Á myndinni sem hér fylgir eru allir íþróttamenn sérsambanda ÍSÍ, Siggi Sig, íþróttamaður LH er aftarlega til hægri rétt hjá Eiði Smára, íþróttamanni ársins 2005.  Hulda hægra megin við miðju.  Siggi lenti í 12-13 sæti í kjörinu um íþróttamann ársins sem er besti árangur hestamanns síðan Diddi varð íþróttamaður ársins árið 1993 (að mig minnir).