Fyrstu helgina í mars ár hvert er haldin mikil hátíð; kvennakvöld Fáks.  Undirrituð hefur varla misst úr kvöld síðustu hmmm, hvað mörg árin og alltaf skemmt sér konunglega!  Þetta árið var engin undantekning!

Þetta árið var óvenju spennandi, ég á afmæli þann 5. mars sem hitti á daginn eftir kvöldið og stórafmæli því í uppsiglingu.  Edda Rún Ragnarsdóttir, frænka hans Hinna varð svo 30 þann 4. mars svo á miðnætti var sjötugsafmæli í gangi, ekkert minna! 

Þennan dag höfum við nokkrar vinkonurnar undanfarin ár tekið alveg frá í hátíðina og frá hádegi er bara hátíð.  Einu sinni fórum við í Bláa Lónið með nuddi og huggulegheitum en undanfarin ár höfum við farið í Baðstofuna á Laugum, fengið nudd og borðað salat og drukkið soldið hvítvín, hlógum og skemmtum okkur alveg konunglega.  Svo er ekki minna tilstand í kringum búninga hvers árs.  Þetta árið var "Karlmanna" þema og við ákvaðum að klæða okkur allar eins með tilheyrandi skeggi og tilfæringum.  Hérna eru nokkrar skemmtilegar myndir af undirbúningnum.

Og ég er strax farin að hlakka til næsta kvennakvölds, hvað þema ætli verði???