Edda Hrund eldist og fullorðnast, skrýtið, því við foreldrarnir eldumst ekki neitt!  Eða hvað?

En allavega þá var daman fermd þann 13. apríl með pompi og pragt í Árbæjarkirkju í svölu en ákaflega fallegu veðri.  Og í stað þess að fermast í Árbæjarkirkju í Reykjavík í stórum hópi fermingarsystkina, fermdist hún í Árbæjarkirkju í Holtum ásamt einni annarri stúlku.  Prestur var séra Halldóra, prestur hér í sókninni og fermingarsystirin heitir Jóhanna Mjöll Tyrfingsdóttir frá Meiri-Tungu 4 hér í sveitinni.  Athöfnin var mjög hátíðleg og kirkjan mjög svo lítil og hlýleg.  Svo var veislan haldin á veitingastaðnum Árhúsi á Hellu þar sem allir nánustu ættingjar og fullt af vinum glöddust með okkur á þessum tímamótum.

Takk öll fyrir komuna og takk fyrir Eddu Hrund!