Hinrik byrjaði sína hestamennsku ungur og naut þar meðal annars leiðsagnar móðurbróður síns Ragnars Hinrikssonar.  Fjölskyldan var einnig óþreytandi að þeytast með drenginn á mót, hér og þar um landið, ýmist á stökkkappreiðar eða unglingakeppni.  Hann var heppinn með hesta, foreldrar hans ekki hestsárir og naut þessa.  Fyrstu myndirnar sem hér eru, eru teknar upp úr 1980 þar sem Hinrik er í stökkkappreiðum, sem voru í miklum blóma á þessum tíma og þóttu mikið meira spennandi enn gæðinga og unglingakeppni.

Hulda aftur kemur töluvert seinna inn, byrjar sína hestamennsku ekki fyrr en um 1980 og á sina fyrstu innkomu 1985 þegar hún reið Skugga frá Kópavogi á fjórðungsmóti í Reykjavík, þá fyrir Hörð.  Hún átii ekki foreldra í hestamennsku og þurfti því að treysta á sinn eina hest, en áhugann vantaði ekki.  Hér eru nokkrar skemmtilegar myndir frá þessum tíma.