Árið 2007 fæðist fyrsti hópurinn okkar undan Aroni.  Og Toppa hans Hinna frá Ármóti er komin í folaldseignir og byrjar með trompi, eignast flottan hest, Vorboða frá Árbakka.

Hestarnir sem við notuðum þetta árið eru Aron frá Strandarhöfði, Óskahrafn frá Brún, Glóðar frá Reykjavík, Vilmundur frá Feti og eitt fengum við undan Keili frá Miðsitju.  Hægt er að smella á nöfnin á þeim hrossum sem eru í ræktuninni og fá um þau meiri upplýsingar.  Hér er svo listinn:

1. Heimir frá Árbakka, móálóttur, F: Óskahrafn frá Brún AE 8,08 FF: Hrafn frá Holtsmúla MM: Ósk frá Brún. M: Hind frá Árbakka.   Framfallegur, gengur foli.  Seldur Austurríkismanni.

2. Gammur frá Árbakka, brúnn F: Aron frá Strandarhöfði M: Gnótt frá Ási I.  Gammur er stórglæsilegur eins og sjá má af myndunum hér í myndabanknum með, hann er ógeltur.

3. Andri frá Árbakka, móbrúnn F: Aron frá Strandarhöfði M: Saga frá Árbakka.  Geltur.  Andri fer á hágengu brokki.

4. Riddari frá Árbakka, rauðjarpur. F: Aron frá Strandarhöfði M: Rebekka frá Borgarholti.  Riddari fer á öllum gangi, er sérstaklega stór og myndarlegur. Gelding.

5. Vorboði frá Árbakka, brúnskjóttur. F: Aron frá Strandarhöfði M: Toppa frá Ármóti.  Vorboði fer á hágengu brokki þótt hann hafi tölt og skeiðað mest fyrstu vikurnar.  ógeltur og uppáhaldið hans Hinna.

6. Nátthrafn frá Árbakka, brúnn F: Glóðar frá Reykjavík Ae 8,34 FF: Roði frá Múla FM: Glóð frá Möðruvöllum.: Dimma frá Efri-Rauðalæk.  Nátthrafn er framfallegur og sperrtur, ógeltur.

7. Kostur frá Árbakka, bleikálóttur.  F: Keilir frá Miðsitju Heiðursverðluan afkvæmi FF: Ófeigur, Flugumýri FM: Krafla frá Sauðárkróki M: Eftirvænting frá Stóra-Hofi.  Kostur er sérstalega efnilegur foli, framfallegur og fer á stórstígu brokki en sýnir gang.  Hann er seldur til Þýskalands, ógeltur.

8. Bassi frá Árbakka, brúnnösóttur F: Óskahrafn frá Brún M: Barónessa frá Stokkhólma MF: Barón frá Stokkhólma MM: Blágrána frá Svaðastöðum.  Gangfallegur foli, vafalsut efni í góðan reiðhest.

9. Hylling frá Árbakka, brún, F: Óskahrafn frá Brún M: Hvöt frá Svaðastöðum MF: Rauður, Kolkuósi MM: Stjarna frá Svaðastöðum.  Myndarleg og gangmjúk hryssa.

10. Ginning frá Árbakka, dökkrauð.  F: Aron frá Strandarhöfði M: Gríma frá Árbakka.  Óvenjumyndarleg hryssa sem er að verða fext eins og mamma hennar sem er með 10 fyrir prúðleika.  Seld innanlands.

11. Minning frá Árbakka, rauðtvístjörnótt F: Aron frá Strandarhöfði M: Myrra frá Árbakka.  Gullfalleg hryssa, fer á öllum gangi, hágeng og viljaleg.

12. Efling frá Árbakka, brún F: Vilmundur frá Feti AE 8,56 FF: Orri frá Þúfu FM: Vigdís frá Feti M: Edda frá Skíðbakka.  Falleg hryssa, stór og verkleg.

13. Tilviljun frá Árbakka, móálóttvindótt, F: Óskahrafn frá Brún M: Tíbrá frá Geldingaá, MF: Fengur frá Njálsstöðum MM: Stjarna, Geldingaá.  Falleg hryssa, mjúkgeng og litfögur.  Seld til Þýskalands ásamt móður sinni.

14. Fylking frá Árbakka, móbrún F: Aron frá Strandarhöfði M: Fluga frá Garði.  Gullfalleg, stór og myndarleg hryssa.

Svo höfum við keypt tvö spennandi tryppi, svona af því gátum ekki staðist þau :)

15. Vonandi frá Dufþaksholti, dökkjarpur, F: Óður frá Brún (Heiðursverðlaun afkvæmi) M: Rökkva frá Dufþaksholti .MF: Rektor frá Jaðri MM: Fura frá Dufþaksholti.  Þessi foli er ógeltur, alsystir  hans, Von er með fyrstu verðlaun og svo er hann bara undan Óði sem okkur finnst auðvitað spennandi.

16. Lára frá Neðra-Seli, móbrún F: Aron frá Strandarhöfði M: Lady Neðra-Seli MF: Ófeigur 882 Flugumýri MM: Lukka frá Kvistum.   Gústaf Ásgeir á þessa hryssu til helminga á móti okkur, ættirnar glæsilegar!  Verulega spennandi tryppi.  Ég á því miður enga mynd af henni ennþá.

Hér að neðan eru myndir af flestum tryppunum, á misjöfnum aldri.  Sennilega sá árgangur sem ég hef minnst myndað en ég kem til með að bæta úr því.